Ditën e djeshme nëpërmjet një postimi në “Twitter”, Bebe Rexha ju kërkoi publikisht një bashkëpunim muzikor këngëtareve me origjinë shqiptare Dua Lipa, Rita Ora dhe Ava Max. E para që pranoi ftesën ishte Ava Max, e cila shkroi se ishte mjaft e gatshme për një projekt të tillë.
Por ajo që habiti të gjithë është se ftesën e kanë pranuar edhe Dua Lipa dhe Rita Ora. Vajzat e njohura janë përfolur prej kohësh për hatërmbetje mes njëra-tjetrës, megjithatë ideja e bashkëpunimit ju ka pëlqyer shumë. Nëpërmjet komenteve në këtë postim ato kanë treguar dëshirën e madhe për të punuar së bashku në një projekt mes shqiptaresh.
“Hajde shqipe”, ka shkruar Dua Lipa.
“Jam shumë në rregull. I respektoj të gjitha këto femra të pabesueshme”, ka shkruar Rita Ora.
Përpos rëndësisë historike për shqiptarët, ky projekt bashkon për herë të parë Dua Lipën dhe Rita Orën, të cilat për momentin kryesojnë në listat muzikore në të gjithë botën./revistawho.com
