Pavarësisht se prej kohësh jeton larg Shqipërisë, Bebe Rexha asnjëherë nuk heziton të tregojë dashurinë që ndjen për atdheun e saj, traditat dhe popullin shqiptar. Së fundmi, Bebe ka publikuar disa video në ‘Instastory’ ku ka vërtetuar se ‘shqiptarja brenda saj’ nuk është zhdukur ende. Këngëtarja ka zbuluar gatimin e saj të preferuar, fërgesë shqiptare. “Kjo është një pjatë shqiptare. Quhet speca me gjizë ose me djathë, si të doni. Gjithçka që duhet të bëni është të merrni pak bukë, ta prisni, të merrni gjizë dhe speca dhe ta vendosni sipër. Më besoni, është gjëja më e mirë që do hani në jetën tuaj”, dëgjohet të thotë Bebe. Pavarësisht se renditet në listën e këngëtareve më të njohura, Bebe vazhdon të mbetet një vajzë e thjeshtë dhe pa komplekse./revistawho.com
