Jennifer Lopez është ylli i kopertinës së edicionit të ri të Vogue Mexico, ku artistja flet për karrierën e saj dhe gjithçka ka kaluar për të arritur këtu ku është sot.
Janë të pakta rastet kur këngëtarja jep intervista në spanjisht, por gjatë kësaj interviste, JLo foli për sendet që do të merrte me vete në një ishull të shkretë dhe nuk e humbi rastin të përmendte bashkëshortin e saj, Ben Affleck.
“Nëse do të shkoja në një ishull të shkretë, do të merrja në çantën time muzikë, çamçakëz, diçka për të ngrënë; nëse mund të vendosja diçka në çantën time për të marrë me vete çdo ditë, do të ishte burri im, por atij nuk do t’i pëlqente kjo”, tha Jennifer Lopez me shaka teksa qeshi me komentin e saj. “Ai është shumë i madh dhe nuk do ta pëlqente këtë”, shtoi ajo.
