Biznesmeni dhe politikani i njohur kosovar, Behgjet Pacolli, me anë të një postimi në Facebook ka prezantuar dy vajzat e tij për të cilat sigurisht që ndihet shumë krenar. Nuk kishte si të ndodhte ndryshe me vajzat e një biznesmeni të famshëm dhe shumë të suksesshëm, përveç se të ndiqnin hapat dhe suksesin e babait. “Kush ka vajza, ka krejt botën. Me dy vajzat e mia, Selenën, manaxhere në një prej bankave më të mëdha në Zyrih; dhe Hana, nxënëse në shkollë të mesme, talent në artet e bukura. Selena e Hana më mbështesin në çdo aspekt dhe kërkojnë nga unë që të punoj pamasë për një ardhmëri më të mirë për qytetarët dhe rininë e Kosovës”-shkruan ai krahas fotos me dy vajzat e tij bukuroshe.
