Bëjnë paqe, Eneda Tarifa fton në Shqipëri dy gazetarët qe e kritikuan…(VIDEO)

Dy gazetarët e blogut më të ndjekur të Eurovizionit, Wiwiblogs, kanë realizuar më në fund një intervistë me këngëtaren shqiptare Eneda Tarifa. Pas videos së pak kohëve më parë ku dy djemtë kritikonin shumë versionin final të këngës shqiptare, kishte një kuriozitet të madh online sesi do të shkonte takimi i tyre live. Pasi i kishte thumbuar pak në Izrael, kësaj here Eneda ka gjetur kohë t’iu japë një intervistë Wiwiblogs, një intervistë me shumë batuta dhe origjinalitet nga të dyja palet. Tarifa u shpreh se si moderatorë e një programi humoristik e kishte kuptuar humorin e tyre edhe pse nuk nguroj disa here gjatë intervistës me batuta ti ‘ndëshkonte’ për reagimet e tyre. Intervista ka marrë shumë komente pozitive për sensin e humorit apo reagimit tejet social të këngëtares ndaj djemve thumbues, që mesa duket kësaj here siç e pranojnë, janë të dashuruar me kengëtaren tonë. Nga ana tjetër Eneda ka kënduar mbrëme në Londër këngën ‘Fairytale’ e pritur mjaft ngrohtë nga të pranishmit në sallë.