Gati një vit pas ndarjes midis Belen Rodriguez dhe Stefano De Martino-s, bukuroshja e televizionit italian ka bërë një bilanc të kësaj periudhe larg tij. Ajo ka pranuar në një intervistë për të përjavshmen “Chi” që deklarata e dashurisë së ish-burrit nuk e ka lënë aspak indiferente. “Është normale që nuk mund të isha indiferente ndaj fjalëve të tij, por kam vuajtur shumë dhe tani gjërat janë kështu. Do të jem përgjithnjë e lidhur më të, pavarësisht të gjithave do të jemi një familje. Ka pasur vuajtje të mëdha për të dy dhe nuk fshihet gjithçka brenda ditës”, ka thënë ajo. Belen i referohet deklaratës së Stefanos se ishte ende i dashuruar me të. Por nga ana tjetër bukuroshja argjentinase flet për të tashmen e tregon se si do t’i kalojë festat. “Për mua këto do të jenë Krishtlindje ndryshe, jo normale. Gjithmonë më kanë pëlqyer festat, më pëlqejnë ngjyrat e familjes por kanë edhe shijen e melankolisë sepse të kujtojnë gjërat që të mungojnë. Do të jenë Krishtlindje ndryshe edhe për tim bir Santiago. Si të gjithë fëmijët edhe ai më pyet se kur do të kthehemi bashkë unë dhe babai i tij”, shprehet Belen. Ndërsa për dashurinë e saj të re, kampionin e motoçiklizmit Andrea Iannone shpjegon: “Ai me mua e nisi nga tribuna sepse në këtë moment kështu ishte për mua, i refuzoja të gjithë. Pak nga pak arriti të më bënte për vete. Është si nëpër filma. Askush nuk ka bërë për mua gjërat që ka bërë ai. Shpesh i them vetes: ‘Prej vërteti është ky? Nuk gabon kurrë”, përfundon Belen rrëfimin e saj.
Pershtatur nga Il Messaggero
