Belen kthehet sërish tek ish-burri, bashkimi do ndodhë tek Maria De Filippi

Ndoshta është bërë shkak programi “Piccoli Giganti” ku Belen Rodriguez po prezanton me ish-burrin e saj Stefano De Martino, por flitet se ata po rikthehen tek njëri-tjetri. Puna ka bërë që ish-çifti të jetë në kontakt të përditshëm, dhe mediat italiane shkruajnë se mund të ketë sërish shkëndija midis të dyve. Siç raporton “Oggi”, thuhet se Stefano ka dërguar një letër pajtimi tek “C’e Posta Per Te”, një program i autores së famshme Maria De Filippi, shumë i ndjekur edhe në Shqipëri. Pritet që në këtë spektakël çifti të ribashkohet duke i dhënë fund ndarjes dhe thashethemeve të shumta që qarkulluan për Belen në këto kohë.