Beli i Khloe Kardashian është edhe më i hollë se i një modeleje, kështu është shprehur stilisti që i dizenjoi veshjen në Met Gala, Jeremy Scott. Khloe Kardashian ka marrë shumë komplimente për humbjen e saj drastike në peshë ndërsa po përgatitej për paraqitjen e saj të parë në Met Gala.
38-vjeçarja Khloe e ka bërë të qartë gjatë gjithë emisionit “The Kardashians” se ajo i urren tapetet e kuq, por ftesën për në Met Gala e pranoi për shkak të Kim-it.
Episodi i ri i “The Kardashians” përmban një sekuencë ku Khloe dhe Kim po përgatiten së bashku dhe stilisti Jeremy Scott , i cili dizajnoi fustanin e saj në Met Gala e komplimenton. Skena tregon Kim dhe Khloe në shtëpinë e Khloe, duke u përgatitur dhe Kim që thotë se Khloe është “më e dobët se kurrë”.
Jeremy Scott ndërhyn dhe thotë se ajo është “më e dobët se modelet që do të bënin shfaqjen”, ndërsa Khloe provon një bust.
