Në nëntor të 2016-ës, Bella Hadid dhe The Weeknd i dhanë fund lidhjes së tyre prej më shumë se një viti e gjysmë. Megjithatë përpara pak javësh në media filluan të qarkullonin lajme se të dy ishin parë duke u puthur në ‘Festivalin e Filmit në Kanë’.
Megjithatë gjatë kësaj kohe Bella ka treguar se ajo dëshiron të fokusohet vetëm tek vetja dhe arritjet e saj. Por disa fotografi ekskluzive të ‘Daily Mail’ hedhin poshtë fjalët e Bellës dhe konfirmojnë përfundimisht rikthimin e saj me The Weeknd. Këngëtari dhe modelja janë parë të përqafuar në qytetin e dashurisë, Paris.
Ata të dy dukeshin më të dashuruar dhe të lumtur se kurrë më parë. Madje përveç një shëtitje në rrugët e qytetit ata janë parë duke shijuar një darkë të këndshme vetëm për vetëm. Nuk ka më asnjë dyshim, Bella dhe The Weeknd janë rikthyer dhe tani nuk ka asgjë që mund t’i ndajë. /revistawho.com
