Reperi Feronit Shabani, i njohur me emrin artistik, Fero është në kërkim nga policia. Ai dyshohet se të mërkurën (28 dhjetor) në mbrëmje ka shtënë me armë zjarri në një lagje të Gjilanit.
Lajmin e ka konfirmuar zëdhënësi i policisë për rajonin e Gjilanit, Ismet Hashani. Hashani theksoi për Telegrafin se nuk ka pësuar askush lëndime.
“Drejtoria Rajonale e Policisë Gjilan, Stacion Policor Gjilan me datën 28.12.2022 në orët e mbrëmjes ka pranuar në informacion se i dyshuari F.Sh (1994) shtetas i Kosovës me veturën e tij ka shkuar në një lagje të qytetit të Gjilanit dhe po sa ka dalë nga vetura ka shtënë një herë me armë zjarri dhe më pas është larguar nga vendi i ngjarjes”, ka bërë të ditur Hashani.
