Ben Affleck habit të gjithë, ja kush ia paska rrëmbyer zemrën!
Ben Affleck duket se është gati të ecë përpara pas ndarjes nga Jennifer Lopez, pas vetëm dy vitesh martesë. Dhe sipas burimeve të fundit, aktori i njohur e ka vënë syrin tek një tjetër yll i Hollywood-it: Angelina Jolie.
Një burim për Daily Mail ka zbuluar se Ben e ka përmendur Angelinën si një “pëlqim sekret”, duke shtuar: “Ben ka thënë gjithmonë se ajo i është dukur shumë tërheqëse dhe e ka admiruar mënyrën se si ajo ka ndërtuar karrierën. E ka cilësuar si shumë të zgjuar.”
Burimi shton gjithashtu: “Atij i duket goxha interesante fakti që ajo ka realizuar edhe filma si regjisore, një fushë me të cilën edhe Ben ka përvojë të gjatë, përfshirë filmat The Town dhe Argo. Me siguri do të kishin shumë gjëra për të biseduar gjatë një darke.” Ai e vlerëson gjithashtu që janë afërsisht në të njëjtën moshë (Ben është 52 vjeç dhe Angelina 49).
Këto thashetheme vijnë në një kohë kur një tjetër burim, për People, kishte pohuar në shkurt se Ben është duke “dalë rastësisht me të tjera vajza”, por se romanca “nuk është prioritet” për të, pasi momentalisht është shumë i fokusuar në punë. Për kujtesë, ai ishte përfolur më parë për një lidhje me Kick Kennedy, por përfaqësuesi i tij i mohoi këto zëra, duke i thënë *People*: “Nuk ka asgjë të vërtetë. Nuk e di as nëse e njohin njëri-tjetrin.”
Sipas TMZ, Ben ishte “i zhgënjyer” dhe “i irrituar” nga zërat për Kennedy, duke i quajtur ato “të çmendura dhe qesharake.” Ndërkohë, ende nuk ka komente për mënyrën si ndjehet ai rreth thashethemeve që e lidhin me Angelina Jolie. Pra, do na duhet të presim e të shohim si do zhvillohet kjo histori.
