Kristi Maze dhe Rebeka Rexhepi, që me historitë e tyre bënë bashkë qindra-mijëra shqiptarë, sot nuk jetojnë më.
16-vjeçarja nga Kosova, që u mendua se e fitoi betejën me kancerin, nuk i ka shkuar dot deri në fund kësaj lufte, duke dhënë sot për të gjithë familjarët dhe të afërmit e saj lajmin e keq të largimit nga kjo jetë. Personazhe të njohur të jetës publike në Kosovë, i janë bashkuar të afërmve të saj në këtë ditë me mesazhe ngushëlluese.
Të njëjtin fat të keq, pati edhe 11-vjeçari Kristi Maze, i cili megjithëse siguroi paratë e nevojshme për operacionin në Itali falë mbështetjes së njerëzve të medias, nuk mundi të mbijetonte. Lajmin e humbjes së tij e kanë bërë publik, gazetaret Eni Vasili dhe Fiori Dardha. Kjo e fundit, drejton edhe një notë revolte ndaj ministrit të shëndetësisë, i cili disa muaj më parë nuk e cilësonte si rast urgjent kurimin e vogëlushit.
