Beni i “Kafazit të Artë”: Unë e hapa VIP-at e Bllokut

“VIP-at e Blllokut”, ka qenë padiskutim faqja që ka marrë më shumë vëmendje gjatë këtyre ditëve në rrjetin social ‘instagram’… Dhe të gjithë ata që u bënë protagonistë me fotot e tyre në këtë profil, pyesnin “kush fshihet pas tij”. Përgjigja është dhënë nga vetë administratori i faqes, Arben Kasemi, i bërë i njohur për të gjithë nga pjesëmarrja e tij në reality show-n “Kafazi i Artë”. Vetë Kasemi, e bëri publik lajmin përmes një statusi në rrjetin social “Facebook” dhe njoftoi sakaq se për këtë do të bëjë një deklaratë në emisionin “Zonë e Lirë” në “Tv Klan”.