Tetëdhjetë vjeç rrumbullak që do i festojë me një darkë intime dhe një intervistë për revistën ‘Chi’. “Në jetë nuk kam menduar kurrë për moshën. Gjithmonë kam jetuar sikur të isha një 40-vjeçar, sepse kështu ndihesha: plot kuriozitet, dëshirë për të jetuar. Pastaj, papritur, u sëmura. Dhe pas operacionit, u ndërgjegjësova që jam një burrë tetëdhjetë vjeç”. Me këto fjalë, Silvio Berlusconi hap intervistën për Chi, revista e drejtuar nga Alfonso Singorini, e vetmja që ish-Kryeministri italian ka dhënë për ditëlindjen e tij, që është publikuar të mërkurën.”Asnjë festë për ditëlindje. Do bëj vetëm një darkë me pesë fëmijët e mi. Dhe u jam lutur të gjithëve të mos më bëjnë asnjë dhuratë. Nëse duan patjetër të shpenzojnë, të bëjnë bamirësi.”
