Silvio Berlusconi ka shitur Milanin pasditen e sotme tek “Qatar Investment Authority” për 750 milionë euro. Siç transmeton “Lapsi.al”, lajmin e fundit të Presidencës 30-vjeçare të Berlusconit e bëri të ditur të premten pasdite“Corriere dello Sport”. “QIA” ka djegur në kohë Bee Taechoubol, miliarderin që prej muajsh përflitej për blerjen e klubit kuqezi. Ende nuk kanë dalë në dritë detajet e shitjes, por që prej pasdites së sotme skudra e Milan-it që numëron edhe mijëra tifozë shqiptarë nuk është më e ish-Kryeministrit italian. QIA në Europë lidhet me emrin e Nasser Ghanim Al-Khelaïfi, 42 vjeç, i cili është ministër pa portofol i qeverisë së Dohas dhe njëkohësisht president i klubit të futbollit Paris SG. Ai ka lidhje të drejtëpërdrejtë me Tamim bin Hamad al-Thani, 35 vjeç, që është emir i Katarit. Vetë emiri gjatë një vizite të fundit në Itali, kishte deklaruar se ishte tifoz i Lacios.
Berlusconi shet Milanin për 750 mln euro, skuadra në dorë të arabëve
