Bes Kallaku cilësohet si një ndër aktorët më të mirë të humorit në Shqipëri. Përveç eksperiencës në spektaklin ‘Portokalli’ ai ka pasur mundësi të luajë si aktor edhe në disa projekte filmike shqiptare. Por duket se Besi ka vendosur ta vazhdojë më tej karrierën në film, madje këtë herë në një zhanër të ri dhe përkrah aktorëve të njohur amerikanë.
Ai ka publikuar në ‘Instagram’ ‘trailer-in’ e filmit, në të cilin duket se do të ketë një rol të rëndësishëm. “’The Brave’, së shpejti në kinema”, – ka shkruar aktori. Përveç kësaj, bie në sy se një pjesë e skenave të filmit janë xhiruar në Tiranë. Madje në këtë film nuk merr pjesë vetëm Besi, por edhe aktori tjetër shqiptar, Ervin Bejleri. Përkrah tyre do të luajnë aktorët e njohur amerikanë, Armand Assante dhe Louis Mandylor. /revistawho.com
https://www.instagram.com/p/BkxOKqoAqRh/?taken-by=bes_kallaku
