Nëpërmjet një postimi në ‘Instagram’, Bes Kallaku, Erion Isai dhe Olsi Bylyku konfirmuan se do të jenë pjesë e televizionit ‘Klan’. Në foto ata shfaqeshin përkrah Aleksandër Frangajt dhe Ardit Gjebreas duke lënë të kuptohej se treshen do e shohim në emisionin “E Diela Shqiptare”. Menjëherë pas kësaj Olsi zbuloi detajet e emisionit ku tregoi se bëhet fjalë për një rubrikë, e cila do të zgjasë 1 orë e 30 minuta. Pjesë e tij do të jenë personazhe të njohur të ekranit dhe sigurisht nuk do të mungojnë notat e humorit. Gjithashtu burime pranë “RevistaWho.Com” bëjnë me dije se rubrika e Besit, Erionit dhe Olsit, do të quhet “Be Caffe”.
Kujtojmë se për Besin dhe Erjonin kjo nuk është hera e parë që janë përkrah Ardit Gjebreas, pasi ata kanë bashkëprezantuar “Këngën Magjike”./revistawho.com
