Ditët e fundit Ermal Mamaqi ka udhëtuar bashkë me miqtë e tij dhe bashkëshorten drejt Francës. Ata patën rastin për të qenë të pranishëm në koncertin e Beyonce dhe Jay Z. Ndërsa Bes Kallaku vetëm pak ditë më parë përjetoi kënaqësinë e ardhjes në jetë të vajzës së tij. Jemi mësuar të shohim video dhe foto qesharake nga të dy pasi humorin e kanë në gjak dhe ai është çelësi i suksesit për ta.
Besi pak minuta më parë ka zgjedhur të publikojë një foto në llogarinë e tij në “Instagram” ku shfaqet krah Rihannës. Foto duket qartë që është e montuar, por kjo nuk e ka ndaluar aktorin të shkruajë një batutë mjaft të goditur. “Disa shkojnë deri në Francë për Beyoncen, ndërsa ca të tjerëve ju vjen Rihanna vet për foto. Hehehehe. Fshatar përjetë”,-shkruan ai.
Sigurisht komentet nuk kanë munguar as nga Ermali, i cili ka shkruar: “Je i fortë”./revistawho.com
