Ka zgjedhur të qëndrojë shumë privat për jetën e tij romantike pas ndarjes nga Xhensila Myrtezaj, por duket se Bes Kallaku sapo ka dhënë një sinjal të fortë për një lidhje të re, dhe nga detajet, gjithçka duket mjaft serioze.
Në një “story” në Instagram, aktori ka zbuluar një tatuazh të ri në dorë, të pasur me simbole dhe domethënie:
Një emër: Ejona.
Një datë: 25.12.2025, që përkon me Krishtlindjen dhe mund të lidhet me një moment të rëndësishëm për të dy, ndoshta edhe një fejesë, duke pasur parasysh se Besi është besimtar i krishterë.
Një shprehje: “Trëndafil në kohë lufte”, që lë të kuptohet se kjo lidhje ka një peshë të veçantë emocionale për të.
Si dhe vizatimi i një dore gruaje, që me shumë gjasë i përket Ejonës, duke treguar tatuazhin e tij.
Fotoja është shoqëruar edhe me këngën “Do të të dua përgjithmonë”, duke e bërë mesazhin edhe më të qartë.
Interesant është fakti që në listën e personave që Besi ndjek në Instagram nuk figuron asnjë grua me emrin Ejona, çka sugjeron se ajo zgjedh të qëndrojë larg vëmendjes publike.
Kujtojmë se Bes Kallaku konfirmoi ndarjen nga Xhensila Myrtezaj në mars të vitit 2024, gjatë një darke me pjesëmarrësit e “Ferma VIP 1”, ku ai ishte pjesë e reality show-t. Nga historia e tyre e gjatë e dashurisë kanë ardhur në jetë dy fëmijët e tyre. Një partnere, apo një këngë e re? Epo ne presim më shumë detaje nga Besi…
