Bes Kallaku: Nëse Xhensila do e bënte përsëri këtë gjë, do ta lija…

Bes Kallaku dhe Xhensila Myrtezaj janë çifti më i dashur për publikun. Prej vitesh ata po shijojnë historinë e tyre të dashurisë dhe këtë verë martohen. Megjithatë si në çdo çift, edhe Besi e Xhensila kanë gjëra që nuk i pëlqejnë tek njëri tjetri. I ftuar në emisionin “Thumb” Besi tregon se pasioni i tij janë makinat dhe do që t’i ketë sa më të pastra. Më pas ai rrëfen një histori me Xhensilën dhe thotë se ajo i bën gjithmonë pis makinat e reja. “Kisha marrë makinën e re dhe ishim duke ikur për Lalz kur Xhensila “Aman ta blej një bakllava”, dakort i thashë po haje kur të shkojmë në shtëpi. Ndërkohë që unë po paguaja bakllavanë, Xhensila kishte filluar duke e ngrënë brenda në makinë. Kur më pa mua e mbylli, por derdhi gjithë shërbetin e bakllavasë. Nuk di ça të them”, -tha Besi dhe tregoi edhe një histori tjetër. “Ditë tjetër kishte marrë një lëng frutash me sheqer, u derdh, u fut te kambio dhe kërciste. Herën tjetër me akullore. I thashë kur të blej makinën e re po të pashë më, O Zot ça do të bëj. Mbaroi kjo, shkuam në Rinas se më kishte ardh makina që ma solli miku im. Unë duke bërë muhabet me atë, Xhensila kishte hapur nja dy sheqera në makinë. Po çfarë bën, a ke Zot i thashë. Më pas shkojmë tek shtëpia e Xhensilës kur shohim edhe mamin e Xhensilës me sheqer. Ika.”, -përfundoi Besi ndërsa pranoi me humor se nëse Xhensila do e bënte përsëri pis makinën do e linte.