Bes Kallaku rrëfen për herë të parë vuajtjet që ka kaluar në jetë

I ftuar në emisionin “Tek Unë” në In Tv, Bes Kallaku ka rrëfyer për herë të parë për sfidat e jetës së tij dhe vuajtjet që ka kaluar. “Në fillimet e Portokallisë kam pas ikur e kam pas ardhur me furgon prej Fushë-Krujë. Duke qenë se të premte e shtunë xhirohej Portokallia kishte netë që dilja te Zogu Zi për të gjetur furgon për t’u kthyer në Fushë-Krujë dhe kur nuk gjeja kthehesha tek Piramida dhe flija në tavolinën në sallën ku bënim provat. Për jastëk përdorja 3-4 dosje”, – tregoi Besi. “Dhimbja të bën edhe të ditur, edhe më tepër kurajoz. Nëse nuk ke vuajtur, nuk e di as cfarë do të thotë sukses, as çfarë domethënë mirënjohje”, -shtoi aktori./revistawho.com