Edhe pse është një nga emrat më të njohur në skenën muzikore shqiptare, Besa Kokëdhima nuk e sheh veten si pjesë të formatit të shumëpërfolur televiziv Big Brother VIP. E ftuar në “Prive Klan Kosova”, këngëtarja u shpreh e rezervuar për një pjesëmarrje të mundshme në këtë reality show.
“Nuk e di, nuk besoj që është diçka që do ta bëja. Nëse, ndoshta, do të më propozonin që ti do të hysh, do të rrish vetëm 5 ditë ose 2 javë dhe bëj pak muzikë, bëj pak famë dhe kaq ishte, por jo për ta parë si një garë që unë do të konkurroja. Nuk e di nëse jam në gjendje që… nuk është lloji i terrenit për mua në sensin e formës së garës sepse unë nuk qëndroj dot e izoluar”, tha ajo.
Ndërsa një faktor tjetër që mund ta bindte këngëtaren për të hyrë në shtëpinë më të famshme në Shqipëri, do të ishte një ofertë financiare mjaft joshëse.
“Por nëse do të ishte shumë i lartë po. Ndoshta po qe ndonjë shifër shumë e lartë, mund ta konsideroja se sa më shumë mundësi që të kemi, aq më shumë mund të japim”, u shpreh Besa.
