Ka njerëz në mbarë botën që do mund të reagonin në përhapjen e vetëdijes dhe mobilizimin e forcave për ndryshim për të bërë botën një vend më të mirë.
Por në rast, luftërash, janë të paktë nga ta që kanë mundësinë të jenë largpamës dhe të ndjejnë dhimbjen e fëmijëve apo të atyre njerëzve që vuajnë nga konfliktet.
Por lidhjen e tij të ngushtë me Kosovën, e ka dëshmuar edhe mbreti i muzikës Pop, Michael Jackson në qershor të vitit 1999.
Jackson në atë kohë së bashku me Friends, kishin organizuar koncerte, turne me qëllimin për të mbledhur fonde për të ndihmuar fëmijët në Kosovë, Afrikë dhe disa vendeve të tjera.
Koncerti i parë u zhvillua në Seul të Koresë së Jugut, ndërsa i dyti në Mynih të Gjermanisë.
Ky turne të cilin Michael Jackson, kishte organizuar në vitin 1999, cilësohet si një koncertet më të mëdha të bamirësisë.
Njeriu më i famshëm në botë ndërroi jetë më 25 qershor të 2009, për t’u bërë i pavdekshëm./Klan Kosova
