Në vitet 2000 ky grup theu rekorde dhe hitet që u publikuan do të ngelen përjetësisht të pavdekshme. Bëhet fjalë për ‘Destiny’s Child’ grupi në të cilin nisi karrierën ikona e muzikës botërore, Beyonce. Vitin e kaluar në ‘Coachella’ ky grup do të ribashkohej në një koncert të veçantë për fansat e zjarrtë, por Beyonce e anuloi koncertin për shkak të shtatzënisë. Këtë vit për të rikuperuar në një farë mënyre zhgënjimin që fansat provuan, grupi do të ribashkohet në një tjetër koncert. Beyonce do të performojë në ‘Coachella’ në datat 14 dhe 21 prill, data në të cilat pritet t’i bashkohen edhe anëtaret e tjera të grupit, Kelly Rowland dhe Michelle Williams. /revistawho.com
