Beyonce dhe Jay –Z, arritën t’i bëjnë të gjithë të flasin për ta në ‘BRIT Awards 2019’ edhe pse nuk ishin të pranishëm. Çifti i njohur pranuan çmimin e grupit më të mirë internacional me anë të një video dhe detaji që i bëri të gjithë të flasin dhe të shkruajnë ishte fakti që pas kurrizit të tyre ndodhej një pikturë e Meghan Markle. Të gjithë duan të dinë arsyen e kësaj zgjedhjeje, e cila duket e qëllimtë dhe me një mesazh të fshehur, por ende nuk ka një deklaratë konkrete.
Pas publikimit të videos ka dalë në dritë edhe autori i kryeveprës që shfaqet pas Beyonce dhe Jay-Z. Sipas ‘TMZ’, zotërisë në fjalë nuk i është marrë leje për përdorimin e pikturës. Ai është shprehur se ndihet disi i fyer, pasi jeton me publicitetin dhe paratë që fiton nga piktura dhe kjo përbën një shkelje e punës së tij, por është gjithsesi i vendosur ta mbyllë me kaq këtë çështje pasi ka shumë respekt për artistët, pavarësisht këtij problemi.
Edhe pse vazhdojnë të dalin detaje për videon, publiku ende po pret arsyen që fshihet pas përdorimit të figurës së Meghan Markle nga Beyonce dhe Jay-Z./revistawho.com
