Filmi ‘The Lion King’ do të shfaqet pas pak kohësh dhe këngëtarja e njohur, Beyonce është zëri i një prej karaktereve të këtij produksioni. 37-vjeçarja është shumë e entuziazmuar për këtë projekt, sa që u shfaq në eventin ‘Wearable Art Gala’, totalisht e veshur si një luan. Ky event këtë vit u organizua nga mamaja e saj, Tina Knowles Lawson dhe njerku Richard Lawson. Tema e këtij viti ishte ‘Një udhëtim për në tokat e krenarisë”. Kjo shpjegon dhe frymëzimin e Beyonce për t’u veshur si një luan.
Blue Ivy ishte gjithashtu prezente dhe ylli i popit ndau me ndjekësit e saj një video duke kënduar së bashku me të kolonën zanore të filmit, i cili pritet të publikohet shumë shpejt./revistawho.com
