Beyonce fitoi mbrëmjen e djeshme çmimin “Best Urban Contemporary Album” për albumin e saj “Lemonade”. Fjalimi i saj i preku të gjithë për vetë faktin se me pak fjalë ajo bëri një fjalim poltiik dhe social mbi racizmin.
“Faleminderit votuesve të Grammy-t për këtë çmim dhe faleminderit të gjithë që kanë punuar shumë për të kapur aq bukur thellësinë e kulturës jugore. Falenderoj Zotin për familjen, bashkëshortin tim të mrekullueshëm, vajzën time të bukur, fansat e mi që më japin kaq shumë lumturi dhe mbështetje. Ne të gjithë kemi pasur dhimbje, humbje dhe shpeshherë bëhemi të padëgjueshëm. Qëllimi im për filmin dhe albumin ishte të krijoja një trup pune që do t’i jepte zë dhimbjes sonë, luftërave tona, errësirave tona dhe historisë sonë. Të përballej me çështje që na mundojnë. Është e rëndësishme për mua tu tregoj fëmijëve të mi imazhe që reflektojnë bukurinë e tyre, që ata të rriten në një botë ku ta shohin veten në pasqyrë fillimisht përmes familjes së tyre, gjithashtu edhe nga lajmet, Super Bowl, Olympycs, White House, Grammy’s dhe të shohin veten. Mos të kenë dyshime se ata janë të bukur, inteligjentë dhe të aftë. Këtë gjë e dua për çdo fëmi, të çdo race dhe mendoj se është jetësore që ne të mësojmë nga e kaluara dhe të njohim tendencat që përsërisin gabimet tona. Faleminderit që e nderuat “Lemonade”.”/revistawho.com
