Beyonce ka rrëmbyer çmimin “Vanguard Award” në 30-vjetorin e eventit “GLAAD Awards”. Në skenë këngëtarja u shoqërua nga bashkëshorti i saj, Jay Z dhe kur mori çmimin ndau me të gjithë një ngjarje të dhimbshme. Beyonce tregoi se ka humbur xhaxhain e saj për shkak të një sëmundje që lidhej me virusin HIV. Gjatë fjalimit të saj këngëtarja shpërtheu në lot dhe tha se humbja e njeriut të familjes ishte një nga eksperiencat më të dhimbshme në jetën e saj.
Të afërmin e saj, Beyonce e përshkruajti si një njeri shumë të guximshëm që u bëri ballë paragjykimeve për orientimin e tij seksual. “Duke parë luftën e tij me HIV-in ishte një nga eksperiencat më të dhimbshme që kam jetuar…Kam shpresë se lufta e tij shërbeu për të hapur rrugët për të rinjtë e tjerë për të jetuar të lirë”, – ka thënë Beyonce me sytë e përlotur. Ajo ka shtuar se është e drejtë njerëzore të dashurosh këdo dhe të identifikohesh si të dëshirosh. Këngëtarja e ka ngritur shpeshherë zërin në mbrojtje të kauzave të rëndësishme që lidhen me të drejtat e njerëzve. /revistawho.com
