Biçikleta gjithmonë është prezantuar si mjeti më i lirë i transportit dhe më efektivi për jetesë të shëndetshme. Vite më parë në Shqipëri dhe jo vetëm, ishte ndër mjetet më të përdorura nga të dyja gjinitë. Por me kalimin e kohës u duk sikur biçikleta u la në harresë, sepse makinat zunë një vend të rëndësishëm në jetën e të gjithëve. Megjithatë vitet e fundit duket sikur vëmendja është rikthyer sërish tek biçikleta dhe madje është shndërruar edhe në një lloj trendi. Vajzat e njohura kanë filluar ta përdorin jo vetëm për të bërë një shëtitje, por pse jo edhe për të realizuar një fotografi të bukur. Megjithatë duke qenë se fotografia përcjell një lloj mesazhi, ndoshta këto vajza të njohura e shohin si një mënyrë për t’u thënë të rinjve se dhe biçikleta është shumë trend. përveç kësaj ato promovojnë jetesën e shëndetshme, si një lloj forme për të thënë lërini çelësat e makinës në shtëpi dhe shijoni një shëtitje me biçikletë në qytet ose në një vend me ajër të pastër. /revistawho.com
