BIDAI/ Ragni: Në episodet e fundit më mungonte shumë Sadna

Seriali aq i dashur për shqiptarët “Bidai” është drejt përfundimit. Me këtë rast është organizuar një festë madhështore, shkruan gazeta “Paloma”. Ajo që ka rënë në sy nga festa, ka qenë mungesa e asaj që i dha suksesin e vërtetë serialit, aktorja Sara Khan që ne e njohim si Sadna. Ajo që e ka ndjerë më shumë mungesën e aktores simpatike ka qenë pikërisht Parul Chauhan apo ndryshe Ragni, e cila e ka mbështetur gjithmonë dhe pas dy vitesh punë intensive së bashku, ndarja ka qenë shumë e vështirë. “Jam ndjerë me të vërtetë keq gjatë skenës sime të fundit në serial kur isha vetëm pa Sarën. M’u kujtua se si bashkë realizuam skenën tonë të parë. Ne kemi kaluar dy vite e gjysmë bashkë dhe momente të mrekullueshme gjatë xhirimeve, kështu që mungesa e saj në ato momente të rëndësishme më trishtoi vërtetë shumë”, ka thënë Ragni.