Justin Bieber ka ndërprerë koncertin e tij në Birmingham, mbrëmjen e së hënës dhe ka nisur të ankohet se audienca ishte shumë e padurueshme, duke iu thënë të pranishmëve se duhet të ndalonin së bërtituri.
Shumica e yjeve do kënaqeshin nëse do të shihnin që audienca e koncertit të tyre do të çmendej duke bërtitur por për Bieber kjo ishte tepër e besdisshme. Ai ka thënë se është shumë pak larg tyre dhe se nuk ishte shumë e nevojshme që të bërtistinin kur ai ishte duke folur, pasi të bërtiturat ishin të padurueshme.
Në fakt e gjitha kjo ka nisur në momentin kur Bieber ka dashur të flasë me audiencën por e ka patur tepër të vështirë të dëgjohej për shkak të zhurmave të mëdha. Një pjesë e të pranishmëve në këtë koncert janë ndjerë tepër të ofenduar nga sjellja e këngëtarit./Top Albania Radio
