Ditën e sotme, programi i pasdites në ‘Ftesë në 5’ solli një diskutim të gjerë rreth problemeve me shëndetin mendor. Teksa secili prej të ftuarëve ka ndarë eksperiencat personale dhe ka sugjeruar se si mund të shërohet ankthi, krizat e panikut dhe depresioni, moderatorja dhe autorja e tij, Bieta Sulo ka treguar një nga periudhat më të vështira të jetës së saj.
Moderatorja pohoi se kaloi një moment dobësie gjatë moshës 28-29 vjeçare, ndërkohë që punonte në profesion, kishte pranë njeriun e zemrës dhe çdo gjë tjetër në rregull. Bieta shtoi se mori edhe ilaçe në atë periudhë, ndonëse kontrollet e shumta shëndetësore tregonin se nuk kishte asgjë.
Pas 4-5 muajve të vështirë, ishte një ditë e vetme përballë pasqyrës në ashensor që Bieta vendosi të hedhë ilaçet për ta ndryshuar plotësisht gjendjen e saj.
Edhe të ftuar të tjerë, përfshirë këtu spikerja e lajmeve, Blerta Tafani ka treguar se ka vuajtur për shumë kohë nga ankthi dhe se ka kaluar momente shumë të vështira dhe ka zgjedhur të kurohet prej tij.
https://www.instagram.com/p/CGP9HyjFc0M/?igshid=qxqlvq1qkewz
