Big Basta prej disa kohësh është zhvendosur në Zelandën e Re për të jetuar së bashku me familjen e tij. Edhe pse larg vendit, këngëtari ka treguar gjithmonë se me mendje dhe zemër është në Shqipëri. Së fundmi një zbulim në një nga libraritë në vendin ku Biga Basta jeton, duket se e ka trishtuar shumë këngëtarin. Ai ka gjetur një libër, i cili nëpërmjet ilustrimeve me fotografi dhe një përshkrimi të shkurtër pasqyron jetën e vendeve të ndryshme të botës. Big Basta është ndalur në përshkrimin e Shqipërisë dhe ka lexuar se si shihen shqiptarët në syrin e të huajve. Në libër jepet fotografia e një familje shumë të varfër shqiptare dhe përkrah saj shkruhet: “Shqipëria është një nga vendet më të varfra në Europë. Pjesa më e madhe janë shqiptarë etnik, me një masë të konsiderueshme të minoritet grek në pjesën jugore të vendit. Për një familje besnikëria ose klani është me e rëndësishme sesa identiteti kombëtar dhe djemtë e martuar zakonisht jetojnë me prindërit e tyre dhe kujdesen për ta kur janë në moshë të madhe”. Bashkangjitur fotografisë së librit, Big Basta ka shkruar: “Libraritë në Auckland. Këta jemi ne në sy të botës”. Është me të vërtetë shumë e trishtë të shikosh një realitet të tillë. /revistawho.com
