Nga Zelanda e largët, këngëtari shqiptar Big Basta i ka përcjell një urim mjaft të ndjerë babait në ditën e tij të lindjes.
Artisti ka zgjedhur rrjetet sociale për ta uruar të atin sepse siç e pranon dhe ai vet, e ka të vështirë ti shpreh emocionet.
“Babi im Niazi Xhari ke ditëlindjen sot. Do doja shumë që të ishim bashkë ta festonim bashkë dhe të gëzonim pafund! Je një njeri shembullor dhe mbi të gjitha një baba i përkryer, i gatshëm në çdo sekond për t’u gjendur me pozitivitet pranë nesh. E di që nuk i ke qejf urimet me “Facebook” apo “Instagram”, por unë jam këtej dhe nuk e shpreh dot ndryshe, se kur flasim në telefon bllokohem dhe s’më dalin fjalët e bukura. Të dua shumë dhe Liani të do shumë gjyshi dhe babai më i mirë në botë! Gëzuar 32 vjetorin ;)! Edhe 100 vite lumturi dhe me nipër e mbesa pranë!”, -ka shkruar këngëtari në “Facebook”.
Big Basta dhe bashkëshortja e tij këngëtarja Vesa Luma prej disa kohësh janë vendosur në Zelandën e Re./revistawho.com
