Mbrëmë në një ambient në dukje privat, me oborr dhe pishinë, të gjithë konkurrentët e edicionit të 9 të “Big Brother” (me ca përjashtime të vogla) janë mbledhur për të festuar. Çifti Fiorentina-Olsi organizuan një festë të madhe për tre vjetorin e nipit të këtij të fundit. Të pranishëm ishin të gjithë konkurrentët përveç çiftit fitues, të cilët siç shpjegoi Fiorentina në një video “live” në Instagram, ndodhen në Vlorë. Mungonte sigurisht edhe Damiano Agalliu i cili ndodhet në Suedi. Të tjerët u panë të gjithë teksa argëtoheshin me njëri-tjetrin pavarësisht inateve të mëparshme. Ata u lanë në pishinë me gjithë rroba, ndërsa kërcyen nga hitet më të fundit, tek “Ra faja prej fiku”, shkruan “revistawho.com”. Bënë përshtypje për shembull Ambra dhe Elsamedi që pikërisht mbrëmë publikonin postime me sharje në rrjetet sociale, ndërsa në festë u panë shumë pranë. Për të kuptuar më shumë, iu sjellim më poshtë fotot nga festa./ revistawho.com
