E bujshme ishte ndarja e papritur e një prej çifteve më simpatike të edicionit të fundit të “Big Brother, Olsi dhe Fjorentina. Ndonëse kanë kaluar ditë që nga momenti kur dyshja njoftuan se mes tyre mori fund, kurioziteti për të parë se si do të shkojë, vazhdon të jetë i madh. Prej të dyve nuk kemi parë ndonjë afrim konkret, por në rrjetet sociale ka pasur “lëvizje”. Kujtojmë këtu ngacmimet e Fjorentinës me këngën e Rihannës (e preferuara e Olsit) apo edhe mbrojtjen që i bën ky i fundit ish-të dashurës. Në vazhdën e këtyre “lëvizjeve online” na ka rënë në sy diçka tjetër. Olsi vazhdon t’i japë pëlqime thuajse çdo postimi që bën Fjorentina, sidomos këto ditët e fundit. Jo vetëm kaq, por edhe në një faqe që publikon foto të banorëve të “Big Brother” në Instagram, pëlqimi i tij nuk mungon as në foton ku shfaqet e ëma e Fjorentinës, pra ish-vjehrra e tij. Megjithëse ne nuk na duket se kanë mbetur dhe aq shokë ish-çifti… Po ju?/ revistawho.com
