Tre konkurrentët e parë të Big Brother 9 kanë shkelur shtëpinë. Ata janë Fotini, Ervini dhe Donjeta.
Fotini është një vajzë e lindur në Gjirokastër, por ka jetuar për shumë vite në emigracion më familjen e saj. Moment më i vështirë në jetën e saj është vdekja e të dashurit të saj, 6 vjet më parë për shkak të një aksidenti automobilistik. Fotinia e dashuron jetën dhe “Big Brother” e sheh si një mundësi për të plotësuar ëndrrën e saj për t’u bërë aktore.
Ervini është një djalë që ëndrra i është prerë në mes: kur ishte një 20-vjeç kreu një operacion në gju, pas të cilit i dha fund karrierës së tij për t’u bërë futbollist. Futja në “Big Brother” mendon se mund t’i ndryshojë përditshmërinë e tij. I pëlqen të bëhet aktor dhe të mos qëndrojë më në “prapaskenë”. Ervini njihet në botën e muzikës prej pjesëmarrjeve të tij në videoklipe.
Donjeta ka lindur në Prishtinë dhe është e përkëdhelura e një familjeje me 7 anëtarë. I pëlqen shumë vetja dhe po aq shumë jeta e natës dhe sporti. Udhëtimet janë një gjërat e saj të preferuara dhe ka realizuar shumë udhëtime në Shqipëri, Kosovë, Maqedoni dhe Malin e zi. Bota e televizionit është një nga synimet e saj në jeta dhe dera e parë që po provon për të hyrë do të jetë ajo e “Big Brother”.
