Një foto e publikuar prej saj në rrjetet sociale ngriti jo pak dyshime për një rikthim të mundshëm në dashurinë e lindur në “Big Brother” me Anaid Kalotin, fituesin e edicionit ku dhe ajo mori pjesë… Por Joana Gjuzi, konkurrentja e “BB6” sqaron në një prononcim për “RevistaWho.Com” se gjithçka ka qenë në kuadrin e shakasë. “Kam qeshur pafund. Unë kam postuar një foto në ‘instagram’, por kam futur dhe çifte të tjera të krijuara gjatë edicioneve. Ishte për nostalgji. Edhe komenti nuk ka ndonjë domethënie për rikthim. Me Anaidin jemi miq tani, kaq, s’ka as flirt, as rikthim. Thjesht mbeti respekti për ato tre muaj bashkëjetesë”, – ka sqaruar Joana, keqkuptimin e krijuar nga vetë ajo. Siç ka thënë edhe në një intervistë të para pak kohëve në “RevistaWho.Com“, Gjuzi po jeton një histori të re dashurie dhe është shumë e lumtur. / revistawho.com
