Që me hyrjen në shtëpinë e “Big Brother” Kei u përball me paragjykime dhe shpeshherë me ofendime në rrjetet sociale. Këtë gjë ajo e ka hasur edhe në jetën reale ku në një rrëfim mbrëmjen e sotme Kei u shpreh se është dhunuar në Tiranë vetëm sepse ka qenë përdore me shoqen e saj. Lidhur me faktin se është homoseksuale dhe si e ka kuptuar ajo këtë gjë, Kei tha se ishte në moshën 9 vjeçare kur e kuptoi. “Isha shumë e vogël që 9 vjeç isha e vetëdijshme. 12 vjeç u hapa me tezen. Kam pasur një mbështetje të jashtëzakonshme”, -tha Kei. Por si e morën vesh prindërit e saj? Kei thotë se nuk ka pasur nevojë që t’ja shpjegojnë pasi e kanë kuptuar vetë dhe tezja e saj u ka thënë në vijim. Ajo gjithashtu tregon dhe për herën e parë që ra në dashuri. “Kam qenë 23 vjeç. Ka qenë gjëja më e bukur që mund të provoj një njeri. Rilind përsëri. Kam kuptuar çfarë do të thotë të jetosh, të shijosh dhe të jesh vetja, të dashurosh e të të dashurojnë. Më është dukur jeta privilegj. Gjithashtu Arbana e pyeti edhe nëse Kei një ditë do të dëshironte të bëhej nënë. “Është një ndër ëndrrat e mia. Nuk e kuptoj dot jetën ndryshe”, -tha Kei./revistawho.com
