Me thjeshtësinë e saj dhe karakterin e fortë, këngëtarja Big Mama ka arritur ta bëjë për vete publikun shqiptar. Këngët e saj energjike gjithmonë kanë qenë ndoshta edhe frymëzim për shumë persona. Por është dikush shumë i afërt pranë saj që e cilëson atë si heroinë dhe madje i atribuon asaj cilësitë më të mira të një personi.
Nipit të saj i është kërkuar që të vizatojë heroin ose heroinën e tij dhe ai ka zgjedhur pikërisht hallën, Big Mamën. Kjo gjë duket se e ka emocionuar shumë këngëtaren dhe të gjithë punën e nipit e ka publikuar në ‘Instagram’. “Kur je Heroinë për nipin dhe të vizaton në shkollë. Shpirti hallës”, – ka shkruar ajo bashkangjitur fotografisë së vizatimit. Për më tepër nipi i saj e cilëson Big Mamën si një femër të bukur, të fuqishme, të guximshme, të mençur e shumë dorëdhënë. Me siguri për këngëtaren nuk mund të ketë dashuri më të madhe dhe dhuratë më të bukur se kaq. /revistawho.com
