Së fundmi ajo u shdërrua në kryeqendrën e mediave rozë, ku u përfol se i është nënshtruar një ndërhyrje kirurgjikale si pasojë e sëmundjes së kancerit dhe humbjes së zërit.
Por këngëtarja ka dhënë një intervistë për gazetën “Shqiptare” ku ka zbuluar arsyen e vërtetë të operacionit.
E pyetur rreth këtyre spekulimeve, Big Mama është përgjigjur: “Çfarë nuk kam lexuar këto kohë për mua por duke ditur si jam dhe çfarë kam bërë, nuk jam e shqetësuar aspak. Madje, kisha përgatitur familjen time në këtë drejtim, që të mos shqetësohej aspak. Kam qënë në një klinikë në Turqi, ku kam operuar lukthin, domethënë e kam zvogëluar. Gjatë analizave, mjekët kanë konstatuar se duhet të hiqja edhe tëmthin për shkak se rrezikoja. Dhjami më kishtë mbërthyer të gjithë mushkritë dhe më është dashur të pastrohem. Për dy javë kam humbur 9 kg”. Këngëtarja ka shtuar më tej se çdo gjë ka shkuar mirë dhe ajo gëzon një shëndet të plotë.
