Bija ime/ Ja ç’do të ndiqni në episodin e parë të serialit më të ri në TV Klan

Fillon nesër në TV Klan seriali më i ri turk, ku protagoniste kryesore është aktorja Beren Gokyildiz të cilën e njohim nga seriali “Nënë”. Ajo do luajë rolin e Ojkyt, një vajzë e vogël e braktisur nga prindërit dhe e rritur nga tezja. Seriali fillon me Ojkyn e cila lexon një ese para klasës së saj. Ojky e përshkruan shumë bukur jetën e saj por në të vërtet nuk është kështu. Kur kthehet në shtëpi ajo mëson se edhe tezja e ka braktisur dhe ka mbetur e vetme fillikat. Tezja i ka lënë Ojkyt vetëm një letër ku i tregon emrin dhe adresën e babait të saj Demir. Babai i Ojkyt është një njeri me probleme dhe jeton me mikun e tij Ugur. Ai futet në telashe dhe përfundon në burg. Ojky gjen shtëpinë e Demirit dhe e shpëton nga dënimi me burg. Gjykata e lë të lirë Demirin për tu kujdesur për Ojykun. Demir nuk e pranon Ojykun si vajzën e tij megjithatë detyrohet të qëndrojë me të. Ai përpiqet të gjejë tezen e Ojkut por nuk arrin të mësojë vendndodhjen e saj. Ojky dhe Demir konsumojnë ushqim në një restorant por nuk kanë para të paguajnë. Demir kërkon të largohet pa paguar por Ojyku nuk e lejon. Ajo arrin të fitojë para duke i parë fallin një vajze të re. Çfarë do të ndodhë më pas na mbetet ta mësojmë në ditët në vazhdim. “Bija ime” transmetohet në TV Klan nga e hëna në të premte ora 18:20./revistawho.com