Revista më e famshme në botën e show-bizit ‘Billboard’, së fundi ka shkruar një artikull për këngëtaren, Era Istrefi. Në këtë artikull tregohet sesi Era, ka tërhequr vëmendjen e drejtuesve të kompanisë së njohur në botën e muzikës “Ultra Muzic”, dhe firmosjën e kontratës që është bërë kohë më parë. Themeluesi dhe presidenti i Ultra Music thotë se për herë të parë është njohur me muzikën e Erës në ‘YouTube’, ku e ka ndjekur hitin e saj “Bonbon”. “Mendoj se është gjë e shkëlqyer që Rihanna dhe Sia janë pika referimi, por ajo që më duket shumë origjinale për këtë këngë është ndjenja e Evropës Lindore, thuajse orientale. Kalimi i saj nga anglisht në shqip dhe anasjelltas, është mbresëlënës… shumë special. Nuk mund ta krahasosh me asgjë tjetër”, ka theksuar Moxey. Ndërkaq, Moxey ka shprehur se së shpejti Era do të jetë neë qendër të mediave botërore. “Jemi të përkushtuar të bëjmë një album dhe jemi shumë entuziastë për ta ngritur si artiste, shumë më tepër se një këngë të vetme. Ajo do të udhëtojë në Los Angeles në prill për të punuar me kompozitorë të ndryshëm”, shkruan Patrick Moxey.
Dev by Techzero1.com