Loredana ka arritur majat e suksesit dhe ja ku një tjetër arritje e vërteton këtë. Fotografia e reperes është shfaqur në ‘billboardin’ gjigant të Time Square në New York. Foto e saj në sheshin e qytetit amerikan u publikua nga platforma muzikore Spotify, dhe u ripostua edhe nga vetë Loredana në llogarinë e saj në Instagram, krenare për këtë arritje.
Kujtojmë që Loredana këtë verë po bën namin me këngën “Heart Attack”, që erdhi në bashkëpunim me Noizyn e që u kthye menjëherë në hit. Ndërkohë këngëtarja nuk ka mbetur pas as me lajmet mbi jetën private ku marrëdhënia e saj me ish-partnerin Mozzik është vënë shpeshherë në vëmendje të portaleve. Pavarësisht të gjithave, Loredana tani po shijon suksesin dhe më shumë se kurrë ndihet krenare me foton e saj në Times Square.
