Edhe pse me Anikën është tashmë i martuar Shivai nuk pranon ta quajë atë bashkëshorte dhe debaton me gjyshen për këtë çështje. Anika shkon në shtëpinë Oberoi për festën e pritjes pas martesës por aty përballet me një goditje tjetër. Shivai prezanton Tian si gruan e tij para të gjithëve.
Omkara zihet me Shivain dhe i thotë se ai bëri gabim që u martua me Anikën dhe po bën sërish gabim që nuk e pranon atë si bashkëshorte. Ai kërkon me ngulm të dijë pse Anika pranoi të martohej por Shivai nuk i tregon.
Prianka përballet me Ranvirin dhe ai i tregon se Omkara ka aksidentuar motrën e tij. Prianka thotë se Om nuk e bën këtë. Ranvir i tregon Priankës motrën e tij dhe thotë se javën e kaluar mësoi se ajo është gjallë por ka qenë në koma në spital për dy vite.
Gjyshja detyron Shivain dhe Anikën të bëjnë ritualet pas martesës. Tia bëhet me nerva dhe sfidon Anikën që herës tjetër do i bëjë ajo ritualet me Shivain. Anika ka vetëm mbështetjen e gjyshes pasi edhe Pinki i vihet kundër duke mos e pranuar si nuse.
Tia shtiret sikur Anika i ka hedhur piper djegës në sy. Shivai i thotë Anikës t’i kërkojë falje Tias. Anika kundërshton dhe Shivai e hedh në pishinë. Anika sëmuret dhe Shivai kujdeset për të. Shivai shet shtëpinë e Anikës dhe i ofron asaj të qëndrojë në vilën Oberoi së bashku me Sahilin./revistawho.com
