Mbrëmja e djeshme në emisonin “Soiree” ju dedikua tërësisht jetës së natës. Të ftuar në panelin përballë drejtueses së programit, Jonida Shehu, ishin disa personazhe të njohur që janë frekuentues të rregullt të jetës së natës.
Një ndër ta ishte dhe biznesmeni i njohur, Elton Ilirjani, i cili pak kohë më parë bëri bujë në media me deklaratën e tij, sepse pranoi publikisht se është gay. Eltoni jeton mes Shqipërisë dhe Amerikës, prandaj ka vendosur të bëjë edhe një krahasim mes ‘clubeve’ të natës në të dy vendet. Ai ka thënë se në dukje janë shumë të ngjashëm me njëri-tjetrin, por përmbajtja ndryshon. Eltoni ka treguar se në përgjithësi njerëzit në ‘clubet’ shqiptare ndihen disi të bezdisur, për shkak të shumë arsyeve. “Në ‘clubet’ shqiptare je i bezdisur. Shkon në ‘pub’ dhe shikon se ke njerëz të armatosur. Kam parë dhe raste në Shqipëri ku njerëzit janë dhunuar dhe kanë nxjerrë armët. Në Texas, armët lejohen, por nuk përdoren armë në ‘clube’!”, – është shprehur Ilirjani. Njëkohësisht ai ka rrëfyer se në ‘clubet’ në Shqipëri konsumohet drogë hapur dhe se shumë vajza shkojnë për balerina e më pas shfrytëzohen për qëllime të tjera. /revistawho.com
