Së fundmi Ilda Bejleri ka qenë në qendër të vëmendjes së mediave rozë për shkak të debatit me Mustafa Nanon, lidhur me paraqitjen e saj dhe disa gazetareve të tjera në ekran. Por në familjen e Ildës nuk është e njohur vetëm ajo, sepse edhe Bledi Bejleri është një balerin shumë i njohur dhe jashtë kufijve të Shqipërisë.
Në një intervistë për ‘Jo vetëm modë’, Bledi ka folur edhe për kritikat që ka ndaj motrës së tij. “Unë jam artist dhe ne artistët kemi shumë kritika. Kritikat të ndihmojnë të ecësh përpara në jetë. Unë i bëj shumë kritika Ildës, por mami është ajo që na kritikon të dyve. Kritika që i bëj shpesh Ildës është që t’i marrë gjërat më seriozisht, sepse ajo është e bukur dhe i merr gjërat lehtë dhe unë i them gjithnjë që t’i marrë gjërat seriozisht”, – ka thënë Bledi.
Përpara pak ditësh Bledi Bejleri së bashku me disa balerinë të tjerë të njohur shqiptar, ofruan një shfaqe artistike për publikun shqiptar, “Rikthimi i dallëndysheve”. /revistawho.com
