Disa ditë më parë mësuam se këngëtari Blerim Muharremi (Blero) dhe e fejuara e tij Afrona Dika, shpenzuan 320 mijë euro për blerjen e shtëpisë së tyre të re në periferi të Prishtinës.
Mësohet se banesa ku do të qëndrojë çifti ka një hapsirë prej 200 metra katrorësh.
Në një intervistë që këngëtari ka dhënë për “Prive” ka thënë se blerja e një shtëpie aq të madhe, është menduar me një plan afatgjatë, pasi në të ardhmen ata planifikojnë të martohen.
Sipas tij kjo gjë nuk do të ndodhë tani, pasi Afrona ka angazhimet e saj në Zvicër, ndërsa Blero në Kosovë.
Çifti prej disa kohësh janë në një lidhje të konsoliduar, pas martesës së parë të këngëtarit nga e cila ai ka dhe një vajzë, Tarën. /Revistawho.com
