Blendi Fevziu flet për largimin e Ben Blushit nga politika dhe si e sheh rikthimin e tij në media

Moderatori i emisionit “Opinon” Blendi Fevziu ka vendosur të flasë për lëvizjet e personazheve kryesore të mediave dhe si ndikojnë këto në ndryshimet e vetë mediave. Në një intervistë për gazetën “Panorama” Blendi ka folur dhe për lajmin që ka qarkulluar kudo këto ditë. Ben Blushi pas largimit nga politika mund të bëhet Drejtor i Përgjithshëm i televizionit “Top-Channel”. Blendi është shprehur se ky lajm kishte qenë diçka e papritur për të dhe e ka shoqëruar me dy ndjesi. “Me keqardhje që politika humbi edhe një tjetër ndër personazhet e saj cilësorë. Ndjesia e mirë që pata ishte, lajmi për kthimin e tij në media”. Moderatori ka treguar se ende nuk është një çështje e mbyllur nëse Blushi do të jetë apo jo pjesë e “Top-Channel”. Megjithate ai e sheh rikthimin e Ben Blushit në media, si diçka shumë pozitive, sepse gazetaria do të jetë më serioze, larg pazareve dhe do të ndihet më tepër konkurenca midis televizioneve më të rëndësishëm në vend.