Blendi Fevziu: Kam pasur gjithmonë rrogë të lartë

Gazetari dhe moderatori i emisionit “Opinion” ka folur herë të parë për çështjen e rrogës së tij. I ftuar në emisionin e Berat Buzhalës nga gazeta “Express”, Fevziu ka komentuar për herë të parë të ardhurat e tij, transmeton “Balkanweb”. Ai tha se gjithmonë ka pasur rrogë të lartë, që kur ishte gazetar i thjeshtë dhe më tej. Sa i përket emisionit “Opinion”, ai tha se nuk ka një pagë fikse, por të ardhurat varen nga shikueshmëria e emisionit dhe reklamat që mund të shesë. Gjithashtu, Fevziu tregoi se ai ka trashëguar shumë prona nga familja e tij, por që kurrë nuk është varur prej tyre.